The post Oromo TV: Ibsa Ejjannoo Jaarmayoota Oromoo ( 05-01-2016 – USA) appeared first on Bilisummaa.

This paper was presented at Oromo Study Association (OSA) annual conference at the University of Minnesota, USA, on 14th understand our own culture, norms and tradition.-15th July 2012 as a contribution to the effortt understand our own culture, norms and tradition.

Full PDF

The post Gada theory and practices By Geremew Nigatu Kassa, M.A/Phil. in Gada institution, political process and system of conflict resolution. Oslo, Norway. appeared first on Bilisummaa.

The post OBS TV: Legend Oromo Artist Yunuus Abduulahi appeared first on Bilisummaa.

Dhaabota Qabsoo Bilisummaa Oromoo Jedduutti Araara Bu’e Ilaalchisee  Ibsa Gabaabaa Qeerroo Bilisummaa Oromoo  irraa Kenname!!

Caamsaa 02/2016, Finfinnee

Mariin Araara buuse, Ararri Wal Hubachiisee Tokkummaa Hawwamuun Gaha.

Nuti Qeerroon Bilisummaa Oromoo walitti dhufeenyaa fi araaramuu dhaabota qabsoo bilisummaa  Oromoo (ABO, KWO, ADO, ABO tokkoomee) Yeroo dhageenyu bilisummaa Ummata Oromoo fi walabummaa Oromiyaa dhiyeessuun Umurii gabroomfataa gabaabsee,  Injifannoo maayyiin nu gahuutu  nutti dhagaa’ame.

Tokkummaan Uummata Oromoo akka sabaattis ta’ee akka qabsoo bilisummaa Oromootti lafee fi dhiiga gootota qaaliin ijaaramee ture. Qabsaa’onni Oromoo haalota adda addaan wal hubachuu dhabuun gargar bahanii diina innikaa kan taate sirna Wayyaanee irratti qabsaa’urra gufuu wal jala kaahuun fedhii fi dantaa Ummata Oromoo miidhee kan gabroomfataa gabbisaa turuurraa Oromoon hin aarre, hin gubanne hin turre. Har’a garuu sun hundi seenaa ta’ee akka hafutti dhaaboleen Qabsoo Bilisummaa Oromoo walitti dhufanii mari’achuun dantaa saba Oromoof dursa kennanii araara buusuu isaanii yommuu dhagahamuu nu hundaaf akka sabaatti gammachuu gammachuu oliiti. Kanaaf yeroo ammaa kana Oromiyaan gammachuu keessa jiraachuu ibsuu barbaanna.

Ararri bu’e gaafii Ummata Oromoo fi qabsaa’ota Oromoo maraa kan ta’e tokkoomuu jaarmayoota Oromoof bu’ura akka lafa kaahametti hubatna. Akkuma ibsa bakka bu’oota dhaabolee bilisummaa Oromoo araaraman irraa dhagame wareegamni nuti Qeerroon bilisummaa Oromoo, dargaggoo fi shamarran Oromoo, abbootii fi hawwan keenya FDG – FXG  yeroo dhiyoo as baasaa turree fi jirru, akkasumas injifannoolen cululuqoon mooraa QBO keessatti galmeeffame Araara kanaaf dhiibbaan uumne jiraachuu amanna. Ammas akkuma abbootiin keenya dhiigaa fi lafee isaaniitiin tokkummaa Ummata Oromoo mirkanessanii nuun gahan hubachuun nuti Qeerroon bilisummaa Oromoo mooraa qabsoo bilisummaa Oromoo tasgabbeessuun tokkummaa Jaarmayoota Oromoo bu’urri taa’e kana fiixaan baasuu keessatti gahee nurraa eegamu akka bahannu beeksisuu feena.

Akka Oromootti aadaa bareeda qabnu keessaa tokko waldhabdee ilaa fi ilaalmeen hikkachuu danda’uu keenya. Manguddoonni keenya jabeessanii qabeenyi nuuf tiksuu qaban aadaa bareedaa fi qabsoo bilisummaa Oromoof murteessaa ta’e kanaa dha. Manguddoonnii fi hayyoonni Oromoo araara kana milkeessuuf dadhabdan dirqama keessan sirnaan bahattaniittuu gaalatoomaa jechaa ammas daandiin hedduun akka isin hafee jiru yaadachiisuu barbaanna.

Nuti Qeerroon Oromoo warraaqsa biyyoolessaa bifa qindaa’ee fi ijaarameen Ebila 11/2014 ifaa fi labsiin eegalle yeroo irraa gara yerootti muuxannoo horanneen Ummata keenya ijaarrataa, humna keenya jabeeffachuun sochii keenya bal’ifatnee wareegama qaaliin abbaa irree kan ta’e Wayyaanee raasuun dhaadannoo aanga’oota wayyaanee “likki Inaasgabaachawaallen” jedhanitti akka gaabban taasisuun dandeenyeerra; kana irra kan nu boonsu akeeka kaaneef galmaan gahuuf afaanii fi afuura tokkoon dhaaboleen Qabsoo Bilisummaa Oromoo nu waliin dhaabbachuu keessan.

Kanaaf tumsi guddaan isin irraa barbaannu afuura tokkummaa, ilaalcha tokkummaa, jaalala Oromummaa kan walitti nu ijaaruu fi wal nu abdachiisu eegaltan hojiin nutty mul’isuu keessan. Kun jiraannaan karoorri FXG  marsaa 5^ffaa Qeerroo Bilisummaa Oromoon  qophaa’ee gara balbala bilisummaa Oromootti nu geessu daandii sirrii qabatee ariitiin galma keenya akka dhyaataa jirru yaadachiifna.

Maayyiirratti  dhaamsi dhaabolee bilisummaa Oromoo oduu gammachiisaa fi hamlachiisaa kana nuun geessan arfaniif qabnu  miseensotni fi deeggartootni keessan hundi,  waliigalattii uummata Oromoo sabboonaa fi sabboontuun, Qeerroo fi Qarreen, qabsa’onni  dirree fi gootota barattootni Oromoo hundi karoora FXG kan marsaa 5ffaa, bara 2016 fiixaan baasuu keessatti gaheen keessan olaanaa ta’uu hubattanii qabsooftanii qabsoofsiftan dhaammanna.  Warraaqsaa FXG marsaa 5ffaa gaggeessinu cinattiqabsoo bilisummaa Oromoof eeggannoo cimaa akka goonuu fi lootee galtuu ergamtuu diinaa dammaqinsaan akka of irraa eeggannuu dhaammachuun walitti dhufeenyi fi araarri  ABO fi dhaabolee qabsoo bilisummaa Oromoo gammachuu guddaa nutti dhaga’amee fi gaaffii uummataa keenyaa fi sabboontoota Oromoof deebii kennuu keessaniif galatoomaa jechaa, dhimma araaraa fi tokkummaa kana ilaalchisee fuunduratti ibsa bal’aa uummata keenyaaf akka kenninu beeksifna.

Injifannoon Uummata Oromoof!!
Gadaan Gadaa Bilisummaati!!
Tokkummaan Humna!!
Qeerroo Bilisummaa Oromoo

GaraGalchaa

• Adda Bilisummaa Oromoo (ABOf)
• Adda Bilisummaa Oromoo Tokkoomef
• Kallacha Walabummaa Orormiyaaf fi
• Adda dimokiraatawaa Oromoo  (ADO)

The post Dhaabota Qabsoo Bilisummaa Oromoo Jedduutti Araara Bu’e Ilaalchisee appeared first on Bilisummaa.

Nuyi Jaarmayootni qabsoo bilisummaa ummata Oromoo fi walabummaa Oromiyaa afur haala warraaqsaa Oromiyaa walgahee bulchiinsa yakkamaa Adda Bilisummaa Ummata Tigray (EPRDF/TPLF) rooraase, cimsuu fi, hegeree qabsoo bilisummaa, mirga hiree-murannaa Oromiyaa fi hariiroo ummatoota naannoof addunyaa waliinii irratt, hojiif dirqama keenya wal-hubannoodhaan akkaataa itti fiixa baafnu marii xumurachuu keenya ibsna. Warraaqsi Oromiyaatti ji’oota shanii- ol adeemaa jiru, itti fuffinnsa qabsoo bilisummaa Oromoo kan sirna abbaa-irrummaa EPRDF/TPLF, sirna saaminsaa fi cunqursaa daanga-dhableen diduu irraa akka tahee ifaadha. Sababaan samicha lafaa naannoo Finfinnee haa-tahuu malee, warraaqsi ummataa hundeedhaan, gaaffii mirga abba-biyyoomaa, mirga dhala-namaa, mirga hiree-murannaa fi dhabaminsa dimokraasii dhugaa irraan kan dhoohe. Bulchitoonni EPRDF/TPLF gaaffii ummatni mirga heera ittiin biyya bulchina jedhaniin beekkame, hiriira nagayaa bahuudhaan gaafatu, karaa nagayaa deebii kennuu mannaa, ka’ima jaarsaa jaartii, daa’imman odoo hinhafiin, ummata hidhannoo hinqabne, rasaasa itti roobsuudhaan, hanga ammaa dhibboota baay’ee ajjeesani, dhibboota baay’ee madeessanii, kuma baayyee hidhaatti guuranii dararaa jiraachuu gaddaa fi aarii guddaan yaadanna.

Badii tanaaf gaafatamni sadarkaa duratti kan matootii EPRDF/TPLF ti. Namoonni badii hojjatan, seeraan akka gaafataman taasisuutti humnoota kana deeggeran wajjiin hojjachuun dirqama. Kunis tahee, dhibdee politikaa maraaf ammayyuu daandiin nagayaa soqamuu itti fufuu qaba jenna. Akeeka kanaan, ummata Oromof, EPRDF/TPLF, ummatoota Itophyaa fi humnoota dantaa Ganfaa Afrikaa qabaniif dhaamsa dabarsina.

Yaa ummata Oromiyaa!

Qabsoon tee qabsoo haqaati. Ajeechaan, sobaa fi gochi yakkaa si- hin injifatu. Lafa bulchiinsa xuraawaa EPRDF/TPLF irraa haqxe irratti shanee bulchiinsaa jaarrattee nagayaa fi tasgabii uumuun kee boonsaa dha. Kanas akka itti fuftu hin mamnu. Dhiigni EPRDF/TPLF dhangalaasee fi lafeen isaan cabsan dhagaacha-xuubii galma bilisummaa, dmokraasii jaaramuun, walabummaa Oromia akka ta’u amanna. Qondaalotiin EPRDF/TPLF badii hojjataniif itti gaafatamuun isaani hinhafu. Lubbuun isaan qisaasan, kan madeessanii fi hidhaatti guuran ragaan galmeeffamuu itti fufuu qaba. Warraaqsaa kankee qaamaa qalbiin utubuu fi humnoota badii hojjatan gaafatamatti dhiheessuu maqaa wareegamtootaatiin deebisnee mirkaneessina. Jaarmoni qabsoo bilisummaa fi Walabummaa Oromiyaa qabsoo isaanii bifa hundaan si cina dhaabachuu itti fufna. EPRDF/TPLF lubbuu fi qabeenya jiraattota dhalootaan Oromo hintahinii balleessuu faa fi galmoota amantii faa gubuun sabootaa fi hordoftoota amantii garagaraa walitti naquudhaan, badii humnoota Oromoti jedhee maqaa kee fi maqaa keetiifi warraaqsa
keetii yakkuu yaaluu hin lakkifne.

Bonbii ofii awwaale humna biraatu hojjate jedhee odoo sobu qabamuun EPRDF/TPLF ni yaadatama. Warraaqsa kee gaggeeysaa, lubbuu fi qabeenya hundumaaf tikni gochaa jirtu nu boonse. Gocha addunyaan dinqisiifatee, mararfannaa siif burqise akka itti fuftu mamii hin-qabnu.

Hooggana EPRDF/TPLF,

Akkuma bulchitoota gabroomfatoo dabran geeddarama gaaffii ummataa deebisuu xiyyeeffate lagachuudhaan, galaani warraaqsaa akka si-nyaachisuuf jiraatu isin akeekachiisna. Daandii haasawaa fi marii hordofuuf carraa yoo ofii kennitan’mmoo,humnoonni bilisummaa Oromo dhibdee politikaa hundumaa daandii nagayaatiin furuuf qophiidha. Kun ta’uu hafuun qabsoo bilisummaa Oromoo bakkaan gahuuf godhamaa jiru
bifa hunadaan kan itti fufnnu ta’uu mirkanneesina. Seer-dhablummaa fi abbaa-irrummaa EPRDF/TPLF kan ummata Oromiyaa huffisiisee odoo
xiyyitii itti facaasuu mirga dhala-namaa fi dmokraasiif falmaatti kaase, isinis miidhaa akka jiru waliin beekana. Humnootni mirga dhala-namaa fi dmokraasiitti amanan, sochii ummanni Oromiyaa godhu waliin dhaabbachuun ofii keessanis gargaaruudha. Dhiibbaa EPRDF/TPLF bir’achuudhaan ummata Oromiyaa wajjin ifaan hiriiruu baattanis, gatiin mirga dhala-namaa, dmokrasii fi hiree-murannaadhaf ummanni Oromiyaa kafalaa jiru, mirga cunqurfamoota maraatiif tahuu carraa kanaan isiniif mirkaneessina.

Humnoota Gaanfa Afrikaa irraa dantaa qabdaniif!

Sirnichi akka jaamaa dukkana keessa qareetti deemuu daddaaqaa waan jiruuf, badii daangaa-dhablee oolchuuf, EPRDF/TPLF daddaffiin daandii nagayaa akka hordofu,wakkiilota Ummata dhugaa wajjin marii akka jalqabuu EPRDF/TPLF irratti dhiibbaa akka gootan gaafanna. Yoo kun tahuu hanqate gaaga’ma biyyoota ollaa garii faa mudatterra hammaadhaa Itophyaa hagoguuf akka jiru beekuu feesisa.

Jaarmayoota Bilisummaa Oromoo afran:

Adda Bilisummaa Oromoo (ABO)
Adda Bilisummaa Oromoo, “Tokkoomei”
Adda Dimokraatummaa Oromoo
Kallacha Walabummaa Oromiyaa

May 1, 2016
South Haven, Minnesota

The post Ibsa Ejennoo Dhaabota Bilisummaa Oromoo. appeared first on Bilisummaa.

WASHINGTON, DC — VOA

Dhaabonni siyaasaa Oromoo afur walitti-dhufanii mari’achuun, Dilbata dabre kana jechuun Caamsaa tokko, bara 2016, waliin hojjechuuf walii-galtee wal-hubannaa mallatteessanii jiran. Dhaabonni walii-galtee kana mallatteessan Adda Dimookitraatawa Oromoo, Adda Bilisummaa Oromoo, Kallacha Walabummaa Oromoo fi ABO Tokkoome jedhamani.

Kutaa Michigaan keessa ka jiru, Keetering Yunivarsitii irraa hayyuun seenaa fi xiinxalaan siyaasaa, Dr. Iziqeel Gabbisaa akka jedhanitti, uummatni Oromoo bal’aan biyya keessaa mirga isaaf falmachuu irratti tokkummaan inni baatiilee dabraan keessa agarsiise madda kaka’insa marii geggeeffamee fi walii-galtee tolfamee ti.

Dhaabonni kun sagantaalee siyaasaa adda addaa ka qabanii fi walaba ta’an iyyuu waa’ee abbaa-biyyummaa Oromoo, waa’ee lafa Oromoo fi waa’ee eenymmaa Oromoo irratti adda addummaa hin qaban, ka jedhan, Dr. Iziqeel, kana irratti waliin hojjechuuf walii-galuun isaanii tarkaanfii gaarii ta’uu isaanii dubbatu. Dhaabonni kun akka dhuunfaattis tahe akka walootti haalawwan keessa dabran irraa muuxannoo argatan walii-galtee ammaa kanaaf gumaachuu isaa illee eeran.

Dhaabonni siyaasaa Oromoo haga itti-galli yokaan galmi isaanii tokko ta’etti adda-addummaa tarsiimoo fi toftaa qabaachuun isaanii wal isaan lolsiisuu hin qabu. Wal-hubannaan jiraannaan dhaabota adda addaa biyya tokkos tahe uummata tokko keessaa qabaachuun uummtichaas carraa keessaa filachuu ba’aa waan kennuuf gaarii dha, jedhu, Dr. Iziqeel Gabbisaa.

The post Mormii Oromiyaa Keessaa Irratti Tokkummaan Uummatni Oromoo Agarsiise Dhaabota Siyaasaa illee Walitti Fide appeared first on Bilisummaa.

The post Ethiopia – #OromoProtests – KWO meeting in MPLS appeared first on Bilisummaa.

OMN:Oduu Caamsaa 04,2016 Hogganoonni Jaarmiyaalee siyaasa Oromoo dhiheenna kana wal hubannaa irra gahan, bu’uurri tokkummaa hatattamatti hujii irra ooluu akka qabu, murannoo qaban mirkaneessan.

Ummanni Oromootis waan barbaachisu hundaan qabsoo cinaa akka dhaabatan gaafatanii jiru.

Jaarmiyaaleen siyaasaa Oromoo arfan dhiheenna kana wal hubannoo cimaa irra gahuu isaanii, qabsoo Oromootiif boqonna haaraa ta’ee asi bahee jira.

Dheebuun ummata Oromoo baroota dheeraaf ture, inni duraa mirga abbaa biyyummaa fi, tokkummaa jaarmiyaalee siyaasaa ta’uunis himamaa jira.

Jaarmiyaaleen siyaasaa Oromoo dhiheenna wal hubannoo jabaa irra gahan kun, Adda Bilisummaa Oromoo, Kallacha Walabummaa Oromiyaa, Adda Dimokiraatummaa Oromoo, fi Adda Bilisummaa Oromoo-Tokkoomee ta’uun ni yaadatama.

Dhaabbileen siyaasaa Oromoo, gaaffii ummanni gaafataa ture deebii itti kennuun tibba kana wal galanii jiru.

Wal hubannoon kun, rincicummaa keessaa bahuun, gara tokkummaa dhugaattii jijjiramuu akka qabu, hogganoonni jaarmiyaalee siyaasaa kun murannoo qaban mirkaneessanii jiru.

Hogganoonni kana dubbatan, Dura taa’aa ADO obbo Leencaa Lataa, Dura taa’aa ABO obbo Daawud Ibsaa fi Dura taa’aa ABO-Tokkoomee obbo Abbaa Nagayaa Jaarraa ti.

Akka isaan jedhanitti, tokkummaan kun hatattamatti milkaayuu akka qabu ibsanii, kanaaf ammoo murannoo jabaadhaan irratti hojjannas jedhan.

Dura taa’aa Kallacha Walabummaa Oromiyaa General Kamaal Galchuu dubbisuuf yaalii taasifneen isaan argamuu akka hin dandeenne bakka bu’oonni jaarmayichaa nuuf himanii jiru.

Dura taa’aan Adda Dimokiraatummaa Oromoo obbo Leencoo Lataa akka himanitti, wal hubannoo amma taasifamee jiru irraa, gammachuu ol’aanaa qabaachuu ibsanii, walii galteen kun fiixa bahuu akka qabu waan dandeenyu hundaan hujitti jijjirra jedhan.

Dura taa’aan ABO obbo Daawud Ibsaa gama isaaniitiin, wal hubannoo kana irra gahuun keenya wanta nama gammachiisuudha jedhan.

Akkasumas gara fuula duraatti, hawwiin keenya galma gahuu akka qabuuf, dirqama nutti kenname ni baanas jedhan.

Dura taa’aan ABO-Tokkoomee obbo Abbaa Nagayaa Jaarraa akka jedhanitti ammoo, jaarmiyaaleen siyaasaa Oromoo amma walitti dhufuun wal hubannoo tokko irra gahan kun, kanaan duras dhaabaa fi hooggansa tokko jala turre jedhan.

Garuu adeemsa kaayyoo irratti ilaalcha adda addaa qabaachaa turrus amma ammoo sadarkaa kanarra gahuun keenya gulantaa qabsoo Oromootiif haala mijjeessaa jira.
Kun akka milkaayuuf nuti gama keenyaan murannoo jabaa qabna jechuun gadi jabeessanii dubbatanii jiru.

Akka obbo Daawud dubbatanitti ammoo, nuti kan dursinu dantaa keenya osoo hin taane dantaa sabaati jedhan.

Walii galteen kun akka dhugatti jijjiramuuf ummanni Oromoo waan barbaachisu hundaan nu cinaa dhaabbachuu qaba jechuun akkasitti dubbatan.

Wal hubannaa fi tokkummaan jarmiyaalee siyaasa Oromoo milkaayuu kan danda’u, gochaan malee jechaanii miti kan jedhan obboo Abbaa Nagayaa Jaarraa, tokkummaa kana akka gaaddidduutti ufu dura qabuu dhiifnee dhugaadhaan waliif galuudha jedhan.

Obbo Leencoo Lataa gama isaaniitiin, seenaan qabsoo Oromoo wayta ammaa kana gulantaa haaraa keessa seenee jira.
Imalli qabsoo Oromoo wayta ammaa kana boqonna haaraa irra gahuu himanii, hawaasni Oromoo biyyoota ambaa keessa jiraatan, tokkummaadhaan rakkoo ummata keenyaa ibsuu akka qaban dhaamsa dabarfatanii jiru.

Wali galteen jaarmiyaalee siyaasaa Oromoo erga bara 2000 keessa Tokkummaan Humnoota Bilisummaa Oromoo ykn ULFOn Agoobara uumee asi inni kun boqonna haaraa ta’ee muldhatee jira.
Jaarmiyaaleen kun, guyyoota muraasa dhufu keessatti, koree qindeessituu lama lama ufi keessaa ramaduun, Tokkummaa walii galaa irratti murtii kan dabarsan ta’uulleen beekkamee jira.

Imalli qabsoo haaromsuu wal hubannaa taasifame kanaan booda hujii irra ni oola kan jedhan hogganoonni kun, ummanni Oromoo gama kamiinuu akka tokkummaan dhugaa hujii irra oolu dhiibbaa barbaachisu geggessuu qabu jedhan.

Akka hogganoonni kun jedhanitti, bu’uurri tokkummaa isaanii hatattamatti hujii irra ooluu akka qabu, murannoo qaban mirkaneessanii, Ummanni Oromootis waan barbaachisu hundaan qabsoo cinaa akka dhaabatan gaafatanii jiru.

Gabaasaan Usmaan Ukkumee ti.

The post Hayyuu Dureewwan Jaarmiyaalee Oromoo walta’iinsa uumame galamaan gahuuf murannoon hojjanna jedhan appeared first on Bilisummaa.

DR. GURMEESSA HINKOOSAA EENYU DHA LAATA?
GAMMADAA OLAANAATIN

Uummanni Oromoon hayyoota hedduu Oromiyaaf furmaata ta’aan akka cirracha garbaati qaba. Hayyoonni Oromoo fi Oromiyaan qaban ammoo beekumsa adda addaa kan gonfatanii fi beekumsi addunyaa kun kan keessaatti walgaheedha. Haata’u malee hayyoota meeqatu beekumsa gonfataan kannan sabaa fi lammii isaanii tajaajilaa jiruu? Meeqatu ammoo beekumsa gonfataan keessaa ba’anii uummata burjaajessaa jiruu? Akka kooti namni hunduu beekumsa gonfateen lammii isaa gargaruu danda’a jedheen amana dirqama waan isaan hin ilaalane keessa seenanii oliifi gadi borcaa ooluun furmaata waaraa uummata keenyaaf hin fidu. Yoo xiqqatee waan baranneen onnanee kaanee uummata keenyaaf yoo gumaachine jijjirama fiduu dandeenya.

Midiyaan hawaasaa ammoo bara kana keessa karalee ittiin ummata keenya barsiisuufi beeksisuu dandeenyu midiyaa Waaqni bilisaan banee nuuf kenne dha. Itti kafaliin hin jiruu, poliisiin gulaallii (editorial) hin jiru, maaliif barreesiteen hin jiru haata’u malee of eegannoo cimaan itti fayyadamuun barbachisaadha. Akkasumaas dhimma tokko qofaa irratti xiyyeefchuuniis barbachisaa miti kanuma irraa ka’uun eegaa namoota midiyaa hawaasaa dantaa saba isaaniif fayyadmaan keessaa dargaggoo ol deemaa dhaloota qubee ta’e Dr.Gurmeessaa Hinkoosaa waliin wal isiin barsiisa.

Image may be NSFW.
Clik here to view.

Bara 1991 G.C godina Wallaggaa Bahaa aanaa Limmuu Galiilaa ganda Leemmatti Gootuu araddaa Jabbikaa jedhamtutti harmeesaa aadde Xurunesh Dhugumaa fi abbaasaa obbo Hinkoosaa Ayyaanaa irraa dhalate. Bara 1998 G.C mana barumsaa Makkannisa Addaamoo jedhamtutti barnoota eegale bara 2005 G.C qormaata naannoo kutaa 8ffaa qoramee persentaayilii 99.7 fidee gara kutaa 9ffaa tti darbe. Barnoota sadarkaa 2ffaa mana barumsaa Limmuu Galiilaatti barate bara 2007 G.C qormaata biyyoolessaa kutaa 10ffaa qorame. Haata’u malee qormaata bara sanaa kan mana barumsaa isaanii Dhaabbanni Qormaata Biyyoolessaa (National Organization for Examination) seera qormaata eegdanii hin qoramne jedhee guutummaa guutuutti hojii ala taasise. Dr.Gurmeessaa dabalatee baraattoonni bara sana qoraman hundi isaanii waggaa tokkoof carraa barnootaa mulqamanii mana taa’aa baa’anii waggaa itti aanutti akka qoraman itti murtaa’e. Bara 2008 G.C qormaata biyyoolessaa kutaa 10ffaa qoraman gosa barnoota 10 keessaa gosa barnootaa sagal “A” gosa barnootaa tokko ( Amharic) “ C “ galmeessee qabxii 4.00 fidee gara kutaa 11ffaatti darbe. Barnoota qophaa’inaa mana barumsaa Limmuu Galiilaatti barate bara 2010 G.C qormaata biyyoolessaa kutaa 12ffaa qoramee qabxii 546 fidee gara yuuniversiitii darbe. Yeroo sanatti kaarikulemii international ta’een ‘Medicine’ kan barsiisu eegale jiru mana barumsa ‘Saint Paul Hospital Medical College’ waan ta’eef dorgommiidhaan seenee barnoota Medicine itti fufe. Bara 2015 ji’a Ebla keessaa qormaata qualifying exam qoramee darbee maqaa/title dooktorummaa fudhate. Akka gosi barnoota isaanii gaafatutti eebbifamuudhaaf title dooktorummaa fudhatanii erga hojiitti seenanii booda waggaa tokkoof “ intern doctors “ jedhamanii hojjachuu qabu egaa sana xumuree eebbifamuuf amma ji’oota lamatu isa hafa. Yeroo ammaa kana Hospitaala Phaawuloos (St.Paul hospital) keessaa hojjechaa jira.

Gara facebook seenee page ofii isaatii duraan Dr.Gurmeessaa Hinkoosaa boodana ammoo Dr. Gurmeessaa jedhamu banee. Barnoota akka kennu kan na taasise jedha Dr.Gurmeessaan “Inni guddaan fedhii fi jaalala ani fayyaa irratti lammiikoo jijjiiruuf qabuufi haala amma uummanni Oromoo waa’ee fayyaa ilaachisee keessa jiruudha. Dhaloonni qubee dhugaa dubbachuuf dhaloota dubbisuufi dhaloota jijjiirama dheebotu akkasumas dhaloota teknooloojii waliin wal simate waan ta’eef carraa kanatti fayyadamee waanan baradhe saba koo barsiisuun anaaf ergamaaf imaanaa Oromummaati jedheen yaada. Hospitaala keessa taa’ee dhukkubsataa yaaluun hojii kooti malee qabsoo miti.

OSOO HOSPITAALA HIN DHUFIIN MANATTI, OSOO HIN DHUKKUBSATIIN FAYYAATTI, LAMMIIKOOF QAQQABUUN GARUU ANAAF QABSOODHA!  –Dr. Gurmeessaa

“Kana galmaan gahuuf ammoo daandiin ani ammaaf argadhe karaa facebookiiti. Dhaloonni qubee meeshaan isaanii inni guddaan social media(Marsaa sabqunnamti) dha. Ni dubbisu, yaada kennu, ni gaafatu, abbootii fi harmoolii keenya dubbisuu hin dandeenyeef ammo dubbisanii ibsu jedheen yaade, isaanis taasisaa jiru kanaaf duddubatti waanti na deebisu hin jiru dhaloota qubee waliin fuulduratti tarkaanfanna.” jedha. Yeroo ammaa kana Pagen Dr.Gurmeessaa jedhamu hordoftoota kuma 20 kan qabu yoo ta’u namootni hanga ammatti #Like hin godhiin jallachuudhan odeefannoo fayyaa keessanii argachuu dandeesu.

Hanga ammaatiis gosoota dhukkubaa 16 ol irratti barreefamoota qopheesee uummatni isaa fayyaa qabeessa akka ta’u tasisaa jira kanneen keessaas;

1. Mataa Dhukkubbii (Headache).

2. Dhukkuba Vaayirasii Tiruu (Viral hepatitis)

3. Dhukkuba Ka’uu Dadhabuu Qaama Saalaa Dhiiraa (Impotence)

4. Dhiibbaa Dhiigaa (Hypertension)

5. Garagaarsa Jalqabaa Namoota Dhiigaa Jiraniif (First aid)

6. Funuuna ykn Dhiiguu Funyaanii (Nasal bleeding or epistaxis)

7. Dhukkuba Sukkaaraa (Diabetes)

8. Akkaataa Ittisa Ulfaatina Qaamaa Itti Hir’isan (How to Loose Weight)

9. Dhukkuba Kintaarootii (Hemorrhoid)

10. Gaggabdoo (Epileptic seizure)

11. Mala Ittisa Da’umsaa Uumamaa (Periodic abstinence family planning method)

12. Mala Ittisa da’umsaa Hatattamaa (Emergency contraceptives)

13. Marsaa Laguu (Normal menstrual period)

14. Kuunuunsa Dubartoota Ulfaaf Godhamuu qabu (Care for pregnant women’s)

15. Dhiibbaa Dhugaatiin Alkoolii Qaama Keenyarratti fidu. (Problem of Alcohol Addiction)

16. Mallattoolee Nama Fayyaa (dha’annaa onnee, hargansuu, dhiibbaa dhiigaa)

Dhukkuboolee kannen armaan olii keessaa kan Garagaarsa Jalqabaa Namoota Dhiigaa Jiraniif (First aid) jedhe inni barreese hangam haala hamaa yeroo ammaa Oromiyaa mudatee keessatti lubbuu namoota meeqa akka baraare dubbachuun nama hin dhibu. Eegaa Dr.Gurmeessaan kana gochuu isaatti uummanni Oromoo faayidaa olaanaa gama fayyaan argateera jedheen yaada gara fulduraatiis akka itti fufee fayyaa hawaasa isaa eeguu waadaa seenera. Mee namootni ogummaa adda addaa irratti bobbaatanii jirtaan uummata na barsiisee sadarkaa kannan na ga’eef bu’aa maalii buuusaan jira of gaafadhaa. “Beekumsa Lammii ofiitiif hin taane maaliree bu’aan isaa” jedhe mitiree Wellisaan keenya Kabajamaa Dr.Ali Birraa.

Fuula Dr. Gurmeessa Hinkoosa hordofuu hin dagatina. Odeefannoo fayyaa fi egumssa fayyaa ilaalchisee fuula Facebook Dr. Gurmeessaa hordofuun waa hedduu akka irraa barattan abdii qabna!

The post DR. GURMEESSA HINKOOSAA EENYU DHA LAATA? appeared first on Bilisummaa.

The post VIIDIYOO: Matahaaraa bakka lammiiwwan hedduun gargaarsa midhaan nyaataa eeggatan irraa Marthe van der Wolf gabaastee jirti. Tujubetu dhiyeessa. appeared first on Bilisummaa.

Image may be NSFW.
Clik here to view.

The post Gaaffii fi Deebii Professor Mohammed Hasan Waliin Taasifame Kutaa 1ffaa.(Caamsaa 04,2016) appeared first on Bilisummaa.

The post Kenya disbands refugee department, to close Dadaab and Kakuma camps appeared first on Bilisummaa.

The post Dhugumaan Abukaatoo Tahuu Illee Akkaataa Itti Mirkanaa’e Naaf Hin Galle: Injinar Girmaa Xurunaa appeared first on Bilisummaa.

WASHINGTON, DC — VOA

Dubbii himaa Samayaawii Partii han ture, Obboo Yoonaataan Tasfaayee “ergaa Adda Bilisummaa Oromoo Feesbuukii irratti oggaa geggeessu argame,” jechuudhan himannaan irratti baname. Yoonaataan, mormiin Oromiyaa keessatti ji’oota shan dura ka’e akka itti fufu maqaa Feesbuukii Yoonaataan Tarreessaa Raggaasaa jedu fayyadamee hojii shororkeessummaa hojjachaa tureera jedha, himannan irratti baname. Hidhamee ji’a afur booda torban darbe mana murtiitti dhihaatus, abboottin seeraa guutanii waan hin argamneef, bellamni mana murtii caamsaa 23 bara 2016tti qabameera.

Dhabbanni mirga dhala namaatii falmmu, Amnistii Intarnaashinal garuu himanni kun waan hinjiree irratti hundaaheti jedhee, mootummaan Itoopiyaa hatattaman nama beekaama fi siyaasaa kana dabalatee, namoota yakka wal-fakkaatun himataman akka gadhiisu gaafata. Daayreektariin damee Aministii Intarnaashinal Gaafa fi Baha afrikaa, Mutoonii Waanyeekii, “mootumman Itoophiyaa namoota yaada isaanii morman hunda hidhuu fi shororkeessummaaadhan himachuu ittuma fufeera” erga jette booda, “Yonaataan Oromiyaatti lafti sammamaa jirachuu barreessera. Kunimmoo balleessaa mitti; Shororkeessummaa ta’us hin danda’u.Yoonaataan Adda Bilisummaa Oromootin waan walitti isa fidu tokkoohuu natti hin mullaatu,” jetti. Mutooniin dabaltees, himannaan akkanaa kun mootumman seera shororkeesummaa baase, han rakkoo guddaa qabu kana hojiirra olchuudaa waan hudda yaalaa jirachuu agarsiisuu ibsite.

Karaa braatin hoogantoota Aandinet paartii duraanii keessaa tokko han ta’an Daani’eel Shibashii fi Samaayaawii paartii keessaa Yeshiwaas Asaffaa guyyaa harraa mana hidhaatii bahan. Obbo Abrahaa Dasta ( qama hoogansa Aranaa Tigraay han turan), Adoolessa 8 bara 2016 hidhaa dha baha jedhamee eggama.

The post Aministii Intarnaashinal Itoophiyan Namoota Feesbuukii Irratti Waan barreessan Sababa Godhattee Hiite Gadhiisuu Qabdi Jedha appeared first on Bilisummaa.

The post TVOMT:Ololaan ABO Diiguuf Yaaluun Abjuudha! appeared first on Bilisummaa.

By Melody Sundberg | Original in English published February 26, 2016

Image may be NSFW.
Clik here to view.

May 9 (untold stories online) — Dararri gochaa hacuuccaa ykn cunqursaan walqabate dha. Akkaataan itti raawwatamuu fi sababni itti raawwatamu adda ta’us, waan tokko garuu ifa dha. Innis, nama dararuun gochaa hamaa bali’aanaan raawwatamuu yeroo ta’u, namoonni hedduunis gochaa hamaa kanaaf ni saaxilamu.

Dararri baroota giddu galeessaa fi jalqaboota yeroo ammee kaasee kan raawwatamaa ture dha.  Haata’uuti garuu, dhumarratti nama dararanii akka yakka raawwadheera jedhee amanu gochuun kara sirrii fi amansiisaa akka hintaane waan hubataniif, mootummoonni Awurooppaa akka hafu godhaniiru. Booda irra, gochaan hamaan kun Mootummoota Gamtoomanitti Komishiniin Ol’aanaa Mirga Dhala Namaatiin balaalefatameera. Akka Dhaabbata mirga namoomaa, ‘Amnesty International‘; jedhutti, biyyoonni 156 waliigaltee Mootummoota Gamtoomanitti dararaa dhorkisiisu mallateesaniiru.

Kanaan dura barreeffamoonni sarbamuu mirga dhala namaa biyya Itoophiyaa irratti xiyyeefatan marsariitii ‘Untold Stories’ irratti maxxanfamaa turaniiru. Gaafan jalqaba, odeeffanoo namoota mirgi isaanii sarbamanii dhagahu, dararaan yakka hojjatteetta jedhanii amansiisuun qaama tokko akka ta’e hubadheera. Abdullahiin (saaxilaa yakka mootummaa), dararaa hamaa mana hidhaa Ogaadeen keessatti raawwatu ragaan deeggaree maxxanseera. Hiriyoonni Joomaneeksi, miseensonni garee Biloogii Zoonii 9,waan waa’ee mirga dhala namaa barreessaniif qofa dararaan kana hinjedhamne irra gahaa ture. Akkasuma, Caalaa, walaleessaa/waloo, walaloo wa’ee ummata Oromoo irrati xiyyeeffatu waan barreessef dararaan guddaan irra gaheera. Kana malees, Zalaalam, Yonaataan fi Baahiruun, nageenya dijitaalaa irratti leenjii fudhattaniittu jedhamanii mana hidhaattidararamaa turaniiru. Bakka yaada ofii bilisaan ibsachuun hinjirretti, mootummoonni abbaa irree dararaa fayyadamuun namoota afaan qabu.

Bakka yaada ofii bilisaan ibsachuun hinjirretti, mootummoonni abbaa irree dararaa fayyadamuun namoota afaan qabu.

Bakka dararuun jiru, dararaanis ni jira. Yeroo baay’ee, daraartoonni, qorattoota yakkaa, humnoota Mootummaa, waardiyaalee mana hidhaa fi namoota hojii nageenyaa hojjetanii dha. Garuu,  namoonni kunneen maaliif gochaa suukaneessaa akkasii raawwatu? Hammeenya waliin dhalatan moo erga dhalatanii booda hamaa ta’an? Yeroo muraasa dura, gaaffii tokko miidiyaa haawasummarratti gaafadheen ture. Maaltu namoota akka hamaa ta’an godha? Deebiin naaf laatame, fedhii qabeenya hedduminaan horachuu, sodaa, fedhii aangoof qabaachuu, ofittummaa fi dadhabina/laafina kan jedhu dha. Eeyyeen, fedhii qabeenyaa hedduminaan horachuu( materialism) fi ofitummaan (greed) sababoota ta’uu ni malu, garuu sababoonni biraan illee jiru jedheen amana.

Akka qorannoon dhimma kana irratti godhame agarsiisutti, dararaan maaliif ammallee akka raawwatamaa jiru sababoota hedduutu jira. Sababni inni jalqabaa, dararri barbaachisaa dhajedhamee itti amanamuu isaati. Namoonni muraasni akka diinatti ilaalamu. Warri diina jedhaman kunneen, namoota dararaniin yakka raawwattaniittu jedhamanii gochaa sukkaneessaa dhala namummaa isaanii mulqu irratti raawwatu. Sababiin biraan, haala mana hidhaati. Bakka namni nama qunnamuu hindandeenyetti nama hidhuufi jiraachuu dhabuun tajaajila yaalaa, haala salphaa ta’een darartoonni gochaa isaanii akka raawwatan isaan gargaara. Sababni sadaffaan daraartoonni gooftolii isaanii waan sodaataniif gochaa darara sana osoo waan tokko hingaafatiin cal’isanii raawwachuu isaaniiti. Garuu immoo, sababni inni guddaan, namicha gochaa dararaa sana raawwatu: aangoo kennameefi fayyadamee darara raawwachuusaati.

Yeroo kamiiyyuu caalaa, ‘Untold stories’ dararaaf xiyyeeffannoo kennuu barbaada. Waqtii Arfaasaa (spring) kana keessa  saayinsii xiinsammuu irratti hundaa’uun maaliif namoonni gariin darara akka raawwatan barreeffamoota ibsan maxxansuuf deemna.

Afaan Ingiliiziirraa gara Afaan Oromootti kan hiike: Milkiisaa Cimdeessaa

The post Maaltu Akka Namoonni Hamaa ta’an Taasisa? appeared first on Bilisummaa.

Abdii hin kutadhu akkamiin kutadhaa
Dirqama enyummaa ba’aa sabaan baadha
Imaanaa haadha koof Imaanaa Abbaakoo
Galmaan ga’uf demaa cinaa dhabus hirko
Lammiin qabsa’uf sun hanga humna kooti
Dugda natii kennee na laatuus ormatii
Kaayyoon qaba anii kaayyoo hin jijjiiramnee
Kan umamnii dhiigaan makee anaaf kennee
Osoon kaayyoo qabu ifa duraa kooti
Reebiichaaf dorsiisa jabinaan darbaatii
Akkamiin hololaaf Debi’a boodatii
Akkamiiniin oduun mee abdii muradhaa
Hin ta’u abadan itttinuu jabaadha
Kan hojeetu malee kan oddeesuu hin dhabnee
Garuu jiraan deemaa abdii hin kutanee
Seenaan seenaa taatee kan isheen himamtuu
Gaafa duutee qofa Gaafa awaalamtuu
Gaafa awaalchishee biyyoo fi dhagaanii
Cufamee duudeedha irraafi jalaanii
Malee hangan jiru biyya lafaa irra
Enyuunshee nan dhaabdu qabso oromoo irraa
Haatii fi Abbaanii qabso saba guddaa
Naa hubadhaa hundii ilmaan abbaa gadaa
Obsa ta’u isaa gulaalaa yaadaatii
Firooma kutadhaa abdii murachutii
Gurrii seexanaadhaa nan dhaga’iinitii
Osoon qofaa hafee oromiyaa irraatti
Hin dhiisu falmachu haqa saba kotii
Abdiis hin kutadhuu hin laaluus boodatii
Namni kayyoo qabu abdii hin kutatu
Jalqaba qabsoodhaa holola hin sodaatu
Osoo kessa gale hidhaa fi reebichaa
Hin argiin halaalaa dorsisaaf ajjeechaa
Kayyoo haa qabaanuu kan ejjeenoon cimaa
Hin taatuu galgalii salphaa akka ganama a
Namni kaayyoo hin qabnee hin ga’u essayyuu
Sagalee qaratee halkan guyyaa iyyuu
Namnii kaayyoo qabu suta tarkaanfataa
Dadabi qabsoodhaa obsa nuu gaafataa
Kaaniif guyyaan jira yeroon wal komanuu duraa kaayyoo sabaaf harka wal haa qabnuu
Kaleesii har’a miti boriis kan biraadhaa
An oromoof yommuu Lubbu koo nan laadhaa
Kana ejjeenoon koo abdii maan muradhaa
Billisummaa kootiif yommu nani falmadhaa.
Ani sodaatu miti Sanyii warra badaa!
Oromummaan kan namni namaf latee namaara fudhaatu miti!!

The post Seenaa Solomoon:- Oromummaan kan namni namaf latee namaara fudhaatu miti! appeared first on Bilisummaa.

The post Gaafiif deebisaa Oromoo TV J/Tamaam Yuusuf waliin taasise kutaa duraa appeared first on Bilisummaa.

Image may be NSFW.
Clik here to view.

The post OMN: magaalaan kaarra millee dirree waraanaa fakkaatti appeared first on Bilisummaa.

                        By Elias Jemal

The poletical transition in Ethiopia in 1991 came at a time when there were high hopes among the all Oromo people’s about democracy, equality, jestice and freedom the international  comminuty and scholars for processes of democratisation. In the past 25 years Africa has seen mementous changes, and various countries have made significant progress in achieving poletical satbility, e.g, Mali, Gana and Senegal. But the hope of  Oromo’s and the democratic light of the country where going from worest to worest and in the past 25 years. The leader of the ruling party and their supportes they have good investment among the all country and celebrating, fest and dancin in every years of their anniversary. The fact is a distillation of testimony from survivors and former guards, newely published by the any social media and  Association, details the daily lives of 200,000 Oromo poletical prisoners estimated to be in the camp: Eating a diet of mostly corn and salt, they lose their teeth,their gums turn black,their bones weaken and as they age, they hunch over at the waist. Most work hare exercise 12- to 15- hour  a days until they dei of malnutritionrelated illnesses, usually around the age of young. Allowed just one set of cloths, they live and dei in rags without soap sock  underclothes or sanitary napkins.The camps have never been visted by outsiders, so these accounts cannot be independently verifide. The whole country prisoners corroborate survivors stories, showing entrances to mines where former prisoners in Ziway said worked as slaves in-camp detention centers where oppositions poletical members and opposition poletical members supporters said uncooperative prisoners were tortured to death and parade ground where former prisoners said they were forced to watch executions. Guard towers and electrified fences surround the camps, the witness prisoners said.

We have this system of slavery right under our nose “said all prisoners those whi survived from the whole prisons of the country from this slave tortured, even  a camp guard who defected  to Ethiopia.” Human right groups can not stop it. Europians can not stop it, the United State will have to take up this issue at the negotiating table but the Obama administration is still supporting and working with this Tplf murdered government who terrorised innocent people’s.”

But the camps have not been discussed in meeting between foriner’s governments, diplomats, amnesty, human rights watch and foreigner’s government including Europian governments never make high decision about Oromia. “Talking to them about the camps is something that has not been posible,” said many survivors from inside the country and those who escape from the land by force. Nor have the camps become much of an issue for the peoples in public, even though annotated immage of them can be quickly called up on Google Earth and even though they have existed for half a century, the camp and torturing system is bad than the Nazi, concentration camps the soviet Gulag. Although precies numbers are impossible to obtain, Western governments and human right groups estimate that hundered of thousands of people’s have deies in the whole Oromia in this campes but they did not take any action by the terorist tplf governments.

Ethiopians genocider government(TPLF) officially says the camps do not exist. It restricts movements of the few foreigners it allows into  the country and severely and punishes those who sneak in after being convicted in a closed trail on charges of entering the country illegally. Those two Swedish journalists are a good eye withesses of the Ethiopian government and his hell prisons. Ethiopian gulag also lacks the bright light of celebrity attention. No high-profile internationally recognaized figure has emerged to coax Americans and Westerns into understandingor investing emotionally in the issue, said many human right and amnesty internatrional workers, a Washington-based activist who bring camp survivors to the United Satates for speechs and marches. Before guards  or agazi  shoot prisoners who have tried to scape , they turn each execution into a teachable moment, according to interviews with many Oromos  who said they have witnessed such killing. At the end I condimend the all world to stop supporting Ethiopian genocider government of one ethinc groupe tplf rigme and stop with the pople of the country who get murdered in prisons center and in side the country too. TPLF and his supporters they must go and Oromo peoples and our Oromia will winand  continue to live. Victroy for those who paid a bad price for peace of Oromia and  Oromo people’s in a prisones center.

The post ETHIOPIA IS TODAY HEAVEN FOR TPLF AND HIS SUPPORTERS BUT HELL FOR OROMO PEOPLE’S IN THEIR OWN LAND!!!! appeared first on Bilisummaa.